tolvari.net » Hönnun

Taflan sem skín

Carlos — Tue, 06 Jul 2010 09:36:57 +0000

Fyrsta skriffærið mitt var griffill og tafla. Tafla af því að það var ódýrara að nota hana en pappír og vegna þess að tilhlökkunin að komast yfir á pappír hvatti mann til dáða að vanda sig. Ég var 6 ára í þá daga og ég man ennþá eftir þeirri gleði, að fá að skrifa með blekpenna í stílabókina mína, 6 mánuðum eftir að ég var hættur að skrifa á litlu töfluna.

Sem kennari hef ég tekið eftir því að krakkar á öllum aldri vilja fá að skrifa á töfluna. Þegar ég segi skrifa, meina ég teikna, leika sér, skreyta, hugsa upphátt, leysa þrautir, leggja fyrir þrautir … skiptir ekki máli hvort taflan er gamaldags fyrir krít, nútímalegri fyrir túss, blönduð fyrir krít og túss eða gagnvirk og tölvutengd. Nemendur hafa gaman af þessu tæki, töflunni.

Það snerti við kennarataugina í mér, þegar ég á kaffisýningu á dögunum í London sá baklýsta töflur úr gleri með svörtum bakgrunni. Þær voru hugsaðar fyrir veitingahús, sem handskrifuð skilti. Ég sá fyrir mér ofursvala upplýsta og skrautlega töflu fyrir minnisatriði vikunnar, gullkorn dagsins, formúluna sem nota á næstu tvo daga eða regluna sem á alls ekki að gleyma.

Í skólastofunni minni ætla ég að hafa þrjár svona töflur! Ég ætla aldrei að skrifa á þær, heldur láta nemendum mínum það eftir að skrifa það mikilvægasta á þær og gera það með sínum hætti. Síðan eiga þeir að glósa eða taka ljósmynd af listaverkinu og setja í möppu, þannig að þegar kemur að námsmati, eru þeirra verk til prófs.

Ég er ekki viss um að skólastjórar leggi í það að kaupa svona töflur, en það má alltaf láta sig dreyma. Ég held að tafla sem þessi sé nógu ódýr og nógu gott kennslutæki, til að skóli fjárfesti frekar í tuttugu svoleiðis í stað einnar gagnvirkrar töflu!

Eðlisfræði Avatar fyrir kennara

Carlos — Tue, 19 Jan 2010 17:49:17 +0000

Það er ekki oft að vísindaskáldsaga verður nógu vinsæl til að hægt er að nota hana í kennslu í grunnskóla. Ég held að Avatar sé ein þeirra. Persónurnar eru flottar, söguþráðurinn flækist ekki fyrir upplifuninni og mórallinn er heilbrigður: Mennska ofar græðgi.

Þar sem ég á að kenna bæði eðlis- og stjörnufræði í 6. bekk, ákvað ég að leita gagna um eðlis- og stjörnufræði Avatar. Þetta með fljótandi fjöllin, þyngdaraflið og segulmögnunina er ekki bara augnayndi heldur áskorun til kennara um að sýna hvernig þetta er hægt í kennslustofunni! Með því að tengja vona ég að krakkarnir verði til í að skoða eigið sólkerfi betur.

Færsla í Wikia svæði helgað Avatar, skoða hér. Pandorapedia er einnig komin á netið, skoða hér. Grein í Christian Science Monitor, skoða hér (28.12.2009). Í greininni er vísað í eftirfarandi bók, sem ég ætla að hafa til sýnis (brot) hér.

Maurar?

Carlos — Sun, 04 May 2008 19:00:18 +0000

Nei, mannfólk. Stóri boginn í Paris. Hægt er að undirstrika smæð manna með hönnun mannvirkja. Prýðilegt myndefni og fín stúdía í mannfélagi innan um stórvirki sögu og framtíðar.

Horft undir bogann, lyfturnar fara upp um kaðlana neðst á myndinni hér fyrir neðan.

No related posts.

Völundarhús

Carlos — Sun, 04 May 2008 18:45:07 +0000

La Defense er gamla útstöð Parísar, virkið sem gætti aðgöngu að borginni í norðri. Þar er risið nútímaþorp með byggingum sem ætla mætti að hafi orðið vísindaskáldsögum síðustu kynslóðar uppspretta innblásturs. Myndin hér fyrir ofan er af norðurhlið ‘Grand Arche’ og er völundarhús/skjólveggur úr gleri.

Maurar?