tolvari.net » Félagsþrýstingur

Kröfur

Carlos — Sun, 16 May 2010 15:33:33 +0000

Hvaða einkunnir eru þetta?!

Það er e.t.v. til marks um tíðarandann, að væntingar um nám hafa snúist upp í andhverfu sína. Miðað við það, er tilgangslaust að bregðast við siðferðilegu hruni bankakerfis og í stjórnmálum með aukinni kennslu í siðfræði. Nær væri að líta það hvernig fólk tjáir sig, hvort það notar germynd eða þolmynd um alla hluti. Málið er nefnilega, að “það lendir enginn í vondum einkunnum”, og slæmur árangur í prófum er yfirleitt ekki öðrum um að kenna en bara mér. Ég klúðraði (germynd), ég lenti ekki í klúðri (þolmynd).

Tóbaksauglýsing – með reyk (1967)

Carlos — Mon, 22 Feb 2010 09:01:40 +0000

Takið eftir tengingu reyks og limra, tónlistar og íþróttar!
Hvað dettur þér í hug þegar þú horfir á þetta?
Er þetta eitthvað sem þú þolir?
Er þetta eitthvað sem vekur þér andúð?

Líttu á þessa:

Getur verið að áfengisauglýsingar nútímans séu skilgetin afkvæmi gömlu tóbaksauglýsinganna?

Tóbaksauglýsing – án reyks

GIMP – Kennslumyndbönd og staðlaðar (myndbreyttar) ímyndir fegurðar

Carlos — Fri, 30 Oct 2009 22:28:49 +0000

Þessi kennslumyndbönd eru frekar löng og lítið klippt. Þau eru gerð með GIMP, sem hægt er að sækja á http://gimp.org, en eru hinsvegar hjálpleg við notkun öflugra myndvinnsluforrita eins og PhotoShop og Lightroom frá Adobe.

Grunnur

GIMP grunnur á svæði mínu á Vimeo.

Litajöfnun mynda

GIMP – litajöfnun á svæði mínu á Vimeo.

Samsettar myndir

GIMP – samsettar myndir, fyrri hluti á svæði mínu á Vimeo.

GIMP – samsettar myndir, síðari hluti á svæði mínu á Vimeo.

Myndvinnsla og fegurð

Hægt er að fegra allt með stafrænni myndvinnslu. Þessvegna er rétt að setja hér varnagla sem allir, sérstaklega þeir sem vilja líta vel út, kennarar og foreldrar ættu að skoða. Hér er fjallað um það, hvernig útlit fallegrar manneskju er breytt með myndvinnslu þannig að það nálgast fullkomnun, sem ekki er hægt að ná með nokkru öðru móti. Stutta útgáfan er hér.

Staðalímyndir geta verið erfiðar fólki, sérstaklega þegar krafan er sú að einstaklingar nái að verða eins og fyrirmyndin. Síðasta myndbandið fjallar einmitt um þetta.

Heimildir

Góður kennsluvefur í skapandi notkun myndvinnsluforrita (PhotoShop) er hjá Melissu Clifton, http://melissaclifton.com.
Skemmtileg myndbönd er auk þess að finna á YouTube, You Suck at PhotoShop.
Loks eru mistökin gerð til að læra af þeim, nánar á http://photoshopdisasters.blogspot.com.

Orðstír og eyðilegging

Carlos — Thu, 15 Jan 2009 22:05:29 +0000

Facebook er eins og hvert annað torg í hvaða byggðalagi sem er. Allt sem þú gerir þar er sýnilegt þeim sem fara um. Sumt er þér til sóma, annað ekki.

Svona er það um bloggið, spjallið, blaðaskrif, orðræðu og hvað annað sem við gerum á opinberum vettvangi.

Enginn getur hlaupist undan leitarvélinni Google og enginn getur verið óhult fyrir vakandi auga almennings, sem oftar en ekki er vopnaður ljósmyndavél eða farsíma með myndavél, albúinn að fanga augnablikið.

Meðvitund almennings nær til allra skúmaskota. Menn eru að vísu misfljótir að gleyma, en á stundum fylgir dauður og rotnandi orðstír manns hvert sem maður fer.

Sem þátttakendur í einu stærsta málfundarfélagi Íslands, blog.is, eigum við að vera okkur meðvituð um áhrif orða okkar. Sömu meðvitund eigum við að hafa með okkur út í sérhvert samfélag sem við ræktum á netinu. Bók Daniel Solove, Future of Reputation (Yale) 2007 ætti að vera okkur öllum skyldulesning. Hvort sem við skrifum undir nafni eða ekki.

Okkur ber skylda til að upplýsa komandi kynslóð, nemendur okkar og börn um afleiðingar sem gjörðir okkar hafa. Hvort heldur sem er á neti sem í lifuðu lífi okkar.

Hægt er að kaupa hana á Amazon eða sækja hana án endurgjalds á heimasíðu bókarinnar. – http://docs.law.gwu.edu/facweb/dsolove/Future-of-Reputation

Myndin er geymd á heimasíðu bókarinnar, vísað er til hennar hér. Hér eru frekari upplýsingar um fyrsta dæmið sem höfundur tekur í bókinni, hundaskítstelpuna – http://en.wikipedia.org/wiki/Dog_poop_girl. Auðvelt líka að finna hana með vefleit.

Áður birt á http://carlos.blog.is

Google gleypir