Myndblogg – hvernig? from Carlos Ferrer on Vimeo.

No related posts.

“Grey þykir mér Freyja” var kviðlingur til að æsa upp tilfinningar á Alþingi árið 1000. Misjafnt er það sem fólk kallar goðgá.

No related posts.

Endurreisnin tók á sig þá mynd að allt sem hafði verið var tekið niður og allt sem varð, var flutt inn frá vestrinu. Gömlu topparnir og millistjórnendur voru látnir fara svo og þeir fremstu meðal verkamanna. Byggt var frá núllpunkti nánast.

Engu var sleppt. Ekki heldur sögunni, en þýska Wikipedía (http://de.wikipedia.org/wiki/Leuna-Aff%C3%A4re) er furðulega þögul um málið. Af því að þeir sem eftir eru, þora ekki að segja frá. Áhugavert er fyrir okkur, að Eva nokkur Joly kom að rannsókninni …

Þannig verður Ísland á morgun. Bloggarar virðast fara úr límingunum yfir því að Davíð Oddson komist til þess að hafa áhrif á það hvernig sagan verður skrifuð. Mér finnst það aumt, ef við náum ekki að halda uppi háværu og merkingarbæru andófi við sögufölsun þeirra sem geta falsað.

Þjóðin kom Davíð út úr Seðlabankanum. Ætli hún geti ekki skrifað sína sögu sjálf, ef hún vill.

No related posts.

Ég hef Ubuntu tölvuna opna í hljóðveri sem ég bjó til fyrir 6. bekkinn minn, og þeim krökkum finnst ekkert að því að nota Audacity. Spyrja ekki einu sinni um stýrikerfið. Eru ánægð ef þau skilja gluggaumhverfið.

Nóg ástæða til að prófa Linux.

Ég keypti mér ódýra Toshiba fartölvu, tveggja örgjörva. Eftir að hafa slegist við Windows Vista um skeið bætti ég Linux á hana, með hjálp Wubi innsettningarforritsins (www.wubi-installer.org).

Út úr kassanum vann nýjasta Ubuntu (9.04) mun betur en Windows og með því að hlaða niður öllum þeim forritum sem mig vantaði (í gegnum synaptics package manager), ókeypis vitaskuld, var hér komin öflug vinnutölva. Tilbúin í hvað sem er.

Nokkuð maus var við að setja inn flash stuðning (fyrir Youtube), en einföld leit í Google (flash 10 ubuntu) og svolítil afritun-skeyting í Terminal var nóg til að kippa því í lag.

Eftir nokkra stund komst ég að því að það, að hafa Windows og Linux á sömu tölvunni, var ekki nógu stöðugt. Ég sótti mér Ubuntu (http://www.ubuntu.com/getubuntu/download) og brenndi á disk (.iso – kerfisdisk) og setti yfir tölvuna. Endurstillingar kerfisins gekk hraðar nú, enda vissi ég nokkurn vegin hvað ég vildi.

Næsta skref var að skoða aðrar Linux útgáfur og setja þær inn. Ég prófaði OpenSuse með KDE viðmóti í einn dag. Prófaði líka Fedora með Gnome viðmóti. Eins fannst mér Vector Linux áhugavert, en setti það ekki inn þar sem það krafðist þess að ég skipti upp harða diskinum í parta. Það kann ég ekki (ennþá). Ég endaði á að fara til baka í Ubuntu og komst þá að því mér til mæðu að það vill ekki tengjast netinu í skólanum (þótt það tengist annars staðar).

Næsta skref

Ég ætla að setja tölvuna þannig upp að ég geti verið með nokkrar útgáfur í gangi í einu (multiboot) til að prófa þær. Markmiðið er að finna útgáfur sem henta elstu tölvunum í skólanum og útgáfur sem mér líkar. Þessi grein (http://blog.linuxtoday.com/blog/2009/08/painless-linux.html) lofar góðu í því sambandi.

Trú mín

Tíminn er að koma, að fólk, líka kennarar nálgast valkosti við keypt forrit og keypt stýrikerfi. Þeir tímar hófust með kreppunni og niðurskurði í skólum og nú er svo komið, að gömlu tölvurnar verða ekki endurnýjaðar.
Kennarar eru vanir því að vinna eins lengi og þurfa þykir, þannig að ef hægt er að gera hluti þannig að þeir kosti ekkert nema lengri vinnudag og skili sér í skilvirkara skólastarfi, þá er von að hlutirnir gangi upp. Það er mín trú.

No related posts.

Playing For Change | Song Around The World “Stand By Me” from Concord Music Group on Vimeo.

Ég held að hægt sé að gera svona að verkefni fyrir margmiðlunarhóp í efri bekkjum grunnskóla og framhaldsskóla. Mér sýnist maður þurfa eftirfarandi:

• Tónlistarfólk
• fartölvu, hljóðupptöku/klippiforrit (t.d. Audacity)
• utanáliggjandi hljóðkort
• lítinn mixer
• míkrófóna og standa
• vídeóupptökuvél
• heyrnartól fyrir tónlistarfólkið
• heyrnartól fyrir hljóðmann
• aðgang að rafmagni
• framlengingarsnúrur, fjöltengi, xlr snúrur o.s.frv.

Tótavíóla hefur svipaða hugmynd, bara miklu flottar útfærða fyrir skóla. Ég ætla að prófa hana í vetur í kennslunni. Hef að vísu ekki tónlistarnemendur (enda ekki tónlistarkennari) en sjáum hvað hægt er að gera í venjulegum grunnskóla í margmiðlunarvali.

No related posts.

No related posts.

Því miður gildir þetta um fleiri vörur. Þannig kosta sambærilegir Mac Mini rétt innan við hundrað þúsund krónur í Saturn en tæplega hundrað og þrjátíuþúsund í IceMac á Laugaveginum. Menn gætu núna talað um ábyrgð og flutningskostnað en dæmin af  BT og Humac sanna að stundum fellur ábyrgðin á gjaldþrota fyrirtæki og hið nýja er laust úr snörunni.

Myndvísun: It’s just Jack á Flickr.

No related posts.

via Kaffistofan

Þessi heimildamynd er sérstaklega tímabær fyrir skólastarfið, þar sem börn allt niður í þriðja bekk (átta ára gömul) hafa komið sér upp Facebook aðgangi og nýta hann til að leika tölvuleiki og eiga einhver samskipti við félagana. Í því sambandi langar mig að viðra hugmynd sem mágkona mín nefndi, sem er foreldrarölt á netinu. Fjalla betur um hana síðar.

No related posts.

Þegar leitað er á netinu eftir upplýsingum skiptir máli hvar er leitað að hverju. Sumir kimar eru eins og þröng skuggasund, meðan aðrir líkjast háum sölum háskólabókasafns. Þeir vegvísar sem okkur eru gefnir til að finna það sem er til staðar í víðri veröld internetsins taka keim af eðli þessarar veraldar og þessara skúmaskota sem geyma hið helga Gral. Það er með öðrum orðum ekki sama með hvaða leitartóli er leitað og ekki sama með hvað hætti er leitað, þegar ráðist er að internetinu í heimildarleit.

Upphaf leitar

Til þess að búa mér til einskonar núllpunkt, ákvað ég að ráðast á þá leitarvél sem þekktust er og leita að íslensku efni um upplýsingatækni, tölvur og skólastarf. Google skilaði mér rúmlega 200 hlekkjum og birti 146. Ekki sýndist mér auðvelt að takmarka leitina við t.d. greina sem voru til staðar í fullri lengd eða búið var að setja í gegnum jafningjarýni. Google Scholar gaf 2 greinar, reyndar þurfti ég að sleppa orðinu “tölvur” úr til að sú vél skilaði sínu.

ProQuest fann eðli málsins samkvæmt engar íslenskar heimildir, en ítarleg leit eftir orðunum “information technology”, education, computer þar sem ég bað um að eingöngu væru birtar leitarniðurstöður þar sem allur texti væri tiltækur leitarvélinni, skilaði 227 greinum, hægt var að vista leitarniðurstöðurnar þannig að ProQuest gerir viðvart um nýjar greinar sem bættust við þessa leit.

Þessi forkönnun skilaði mér þeirri hugmynd að 1) nauðsynlegt er að vita að hverju maður leitar, niður í æsar og 2) nauðsynlegt er að geta takmarkað leitina ekki aðeins að buddunni (ekki er gagnlegt að borga stórfé fyrir greinar sem síðan skila sér ekki til þeirrar vinnu sem maður leitast við að vinna) heldur líka að tíma sínum og eðli vinnunnar sem leitast er við að vinna.

Ég ákvað því að leita áðurnefndum orðum á íslensku og ensku, fá aðeins greinar sem síðast voru uppfærðar 1.1.2000 eða síðar, allur textinn aðgengilegur leitarvélinni og loks að þær hafi farið í gegnum jafningjamat, ef það býðst.

Leitarvélarnar sem ég tók út fyrir þessa stuttu könnun eru “alltheweb” – www.alltheweb.com og “ERIC” – www.eric.ed.gov. Leit var “advanced search”, takmörkuð við greinar 1.1.2000 og yngra og að orðunum upplýsingatækni, (tölvur), skólastarf og á ensku “information technology” AND education AND computer, eingöngu greinar sem allur texti greinarinnar er aðgengilegur leitarvélinni. Fjöldi fundinna greina var sem hér segir:

www.google.com (allintext: upplýsingatækni tölvur skólastarf) 247 fundnar – 146 birtar
(allintext: “information technology” education computer) 33millj. fundnar

scholar.google.com (upplýsingatækni skólastarf) tvær greinar fundnar (takmarkað við “engineering, Computer Science, Mathematics, Soc. Sciences, Arts, Humanities) árin 2000 – 2007
 (allintext: “information technology” education computer) sömu takmarkanir skilaði tuttugu þúsund greinum.

proquest.umi.com (“information technology” education computer) 227 greinar frá 1.1.2000 og síðar, full text jafningjametið.

www.alltheweb.com (upplýsingatækni tölvur skólastarf) sýnir 44 greinar af 116 fundnum og 120 af rúmlega 700 ef leitarorðið “tölvur” er sleppt, greinar frá 1.1.2000 og síðar.

www.eric.ed.gov (“information technology” education computer) fann 777 greinar frá 2000-2007 með aðgangi öllum texta.

alltheweb

er í eigu yahoo og er þar með keppinautur google. Mér sýnist leitarvélin fara bil beggja milli google og google scholar í viðmóti og leitarskilyrðum, hægt er að takmarka leit nákvæmlega eftir dögum, jarðarhluta, tegund skráar, leita á tilteknum vefsetrum eða eftir endingu urls, tungumáli svo eitthvað sé nefnt.

Niðurstöður birtast eins og hjá google í handahófskenndri röð og ekki ljóst af framsetningunni, hve mikilvægar heimildirnar eru. Það þarf að skoða hverja grein til að sjá, hvort hún er þess virði að nota. Hægt er að þrengja leitina eftir að niðurstaða er komin, leita innan leitarniðurstöðu.

ERIC

er í eigu bandaríska menntamálaráðuneytisins og kennaramenntunarstofnunarinnar. Vélin svipar til ProQuest þar sem hægt er að þrengja leitarniðurstöður eftir því hvort textar eru allir til staðar, skilyrða aldur greina o.s.frv. Framsetning fundins efnis er um margt ítarlegra en í ProQuest þar sem útdráttur fylgir hverri grein auk leitarorða (tögg – enska “tag”) sem gerir auðveldara að sjá hvort innihald greinar eigi við eða ekki (ýta þarf á hlekk til að sjá útdrátt í ProQuest). Einnig er hægt að sjá hvort tiltekin grein hefur farið í gegnum jafningjamat. Hægt er að vista leitina og leita innan leitar, hægt er að setja tilteknar greinar í klemmuspjald til sérstakrar útprentunar.

Samanburður fundins efnis

Í ljósi þess ógrynnis efnis sem fannst í gegnum þessa leit sýnist mér ógerlegt að bera saman gæði þess eða hvort greinar sem fundust í einni leit á einni vél finnast líka í annarri. Í fljótu bragði virðist mér hver vél finna sitt eigið efni, a.m.k. þegar átt er við vélarnar sem gera kröfu um að þjóna fag- og háskólafólki; ERIC og ProQuest.
Hinsvegar virðast Google og alltheweb finna svipað efni og birta það á svipað sundurlausan hátt. Google Scholar er engin undantekning þar á. Þessar vélar gera þær kröfur til manns, að maður fari ítarlega í gegnum langa lista fundins efnis, skoði hverja síðu til að gá hvort þar er eitthvað bitastætt að finna.

Þrengri leit

Með því að bæta orðinu “church” við ensku leitina, kemur í ljós að ERIC fann tvær greinar, þar af er önnur nothæf í kirkjulegu samhengi. ProQuest skilar 5 öðrum greinum, engin nothæf. Þessar tvær vélar virðast hver hafa sinn eigin gagnabanka yfir að ráða og ég fæ ekki séð að þær sæki hver til annarrar.

Google skilar yfir 1 milljón greina, Google Scholar um 3000 og alltheweb tæplega 700þús. greinum. Þar sem heimasíður einstaklinga, fyrirtækja og annað internetsefni er í bland við það sem fræðimaður leitar eftir, er þvílík gagnamergð ávísun á langa handgrisjun efnis, jafnvel þótt búið sé að grófflokka með leitarskilyrðum. Ég fann nokkrar greinar sem voru sameiginlegar þessum þremur leitarvélum, sérstaklega þegar ég gáði að íslensku leitinni.

Niðurstaða

Víð leit, eins og sú sem ég framkvæmdi gefur, eins og leit Nasreddín innsýn inn í hvern stein sem fyrirfinnst á malargötunni þar sem leitað er. Fagþekking á tilteknu efni er nauðsynleg til að finna efni við hæfi, sérstaklega þegar kemur að leitarvélum eins og google, google scholar og alltheweb. Þær eru ólíkt ProQuest og ERIC mjólkursvín sem verpa eggjum, sem þykjast geta allt en gera ekkert það vel að fræðimaðurinn geti vel við unað.
Eftir sem áður er gagnaleit tímafrek og ef vel á að vera þarf að undirbúa hana vel. Hún verður ekki gerð í eitt skipti fyrir öll, t.d. í upphafi rannsóknarvinnu, heldur þarf að gera hana aftur og aftur og halda utan um fyrri leit á vísum stað til þess að hægt sé að sjá hvað bættist við og hvað datt úr.

Stórisannleikur þekkingarleitar verður ekki fundinn með einu músaklikki, frekar heldur en hinn helgi Gral af einum hreinhjörtuðum riddara.

(greinin var fyrst skrifuð sem námsverkefni vorið 2007)

No related posts.

Við vitum auk þess núna að Björgólfarnir skulda ríkinu enn vegna kaupanna á Landsbankanum sem nemur hálfu kaupverðinu . . eftir tugmilljarðar hafa verið teknir út úr hinum fallna banka.   Einkavinavæðingi fór nefnilega þannig fram að bankarnir lánuðu völdum hópum til að kaupa í hinum bankanum – sem síðan aldrei var greitt til baka . .eins og nú sést.   Bensi í dag

Á meðan reynum við hin að greiða upp það sem við skuldum eins og rjúpan við staur á kaupi sem fer þverrandi. Við, almúgurinn minnum dálítið á gamla sögu frá Kúbu:

Í lok alþjóðlegs ungliðamóts kommúnistahreyfingarinnar ávarpaði Fidel Castro fulltrúa alþjóðaæskunnar sem var í þá mund að fara heim til sín. Hann veifaði til fulltrúa austurþýskrar æsku sem svaraði með fagnaðarópi:

Hér erum við, trygg og trú.

Hann veifaði til fulltrúa rússneskrar æsku sem svaraði með fagnaðarópi:

Hér erum við, trygg og trú.

Hann veifaði til fulltrúa angólskrar æsku sem svaraði með fagnaðarópi:

Hér erum við, trygg og trú.

Þegar hann var búinn að veifa öllum hrópaði kúbönsk æska til hans, en hann hafði ekki virt hana viðlits til þessa:

Hér erum við, trygg og trú.

Hann svaraði að bragði:

Hvar ættuð þið annars að vera, þið komist ekki neitt.

No related posts.