tolvari.net » Vinnan

Tóbaksauglýsing – með reyk (1967)

Carlos — Mon, 22 Feb 2010 09:01:40 +0000

Takið eftir tengingu reyks og limra, tónlistar og íþróttar!
Hvað dettur þér í hug þegar þú horfir á þetta?
Er þetta eitthvað sem þú þolir?
Er þetta eitthvað sem vekur þér andúð?

Líttu á þessa:

Getur verið að áfengisauglýsingar nútímans séu skilgetin afkvæmi gömlu tóbaksauglýsinganna?

Tóbaksauglýsing – án reyks

Tóbaksauglýsing – án reyks

Carlos — Sat, 20 Feb 2010 10:03:39 +0000

Hvað er að þessari kvikmynd? (english summary inside!)
Hvernig virkar hún á þig?
Hvað er hægt að læra af henni?
Getum við notað hana í skólastarfi, t.d. í grunnskóla? Frekari umfjöllun er að finna á bloggi Archive.org.

Á Archive.org má sækja kvikmyndina til frekari vinnslu, klippingar, talsetningar o.s.frv.

English summary:
How do politically incorrect advertisements affect you? Check out the links above for more information and respond here, if you like.

Kennslutilraun: Ljóð og stafsetning

Carlos — Mon, 01 Feb 2010 13:00:20 +0000

Vandinn við að kenna stafsetningu er að hún byggir á þekkingu orða. Ef nemandinn þekkir orðið, hvernig það lítur út, þá mun hann skrifa það rétt. Þetta á reyndar líka við um lestur, þekking orða er grunnur þess að lesturinn verði góður, nemandinn læs.

Ég ákvað að gera tilraun, nú þegar handboltinn gaf færi á. Ég notaði þjóðsönginn sem upplestraræfingu. Lagði áherslu á ljóðlínuna, greinaskilin, punkta og kommur. Lagði áherslur á tvær stafsetningareglur og gaf nemendum færi á að rifja upp reglurnar eftir upplesturinn og leiðrétta hjá sér textann, ef þeir þurftu. Síðan skrifaði ég textann rétt upp á töflu og þá fóru nemendur aftur yfir hjá sér og töldu villur sínar.

Árangurinn lét ekki á sér standa. Meira að segja þeir nemendur sem stafsetja verst höfðu fáar villur. Nemendurnir sýndu textanum tilhlýðilega virðingu og einhverjir sungu hann meira að segja. Einn eða tveir ákváðu að hreinrita hann, vildu eiga hann fallegan.

Ég ætla að fylgja þessu eftir með því að lesa fleiri ljóð sem stafsetningaræfingu. Bjóða nemendum að koma með uppáhaldstexta og nota þá líka. Smám saman verður til ljóðabók krakkanna sem þeir binda síðan inn og skreyta, t.d. með ljósmyndum og teikningum sínum.

Þessi hugmynd leyfir kennara að samþætta bókmenntir, lesskilning, skrift, stafsetningu og málfræði, svo eitthvað sé nefnt. Aðferðin býður upp á spretti í túlkun og samtali um merkingu.

Myndin er fengin með hjálp Wordle.

Ljósmyndir á tíma

Carlos — Wed, 20 Jan 2010 12:34:30 +0000

Snorri Björnsson heitir ungur maður, sem tekur myndir. Morgunblaðið fjallaði um áhugamál hans á vefnum í dag. Myndskeiðið, sem sjá má hér fyrir ofan, fékk mig til að hugsa. Hvað ef ég notaði þessa aðferð til kennslu, þetta, að taka myndir á tíma? Bæði mætti nota þetta til stjörnuskoðunar, umferðarfræðslu og ég veit ekki hvað.

Eðlisfræði Avatar fyrir kennara

Carlos — Tue, 19 Jan 2010 17:49:17 +0000

Það er ekki oft að vísindaskáldsaga verður nógu vinsæl til að hægt er að nota hana í kennslu í grunnskóla. Ég held að Avatar sé ein þeirra. Persónurnar eru flottar, söguþráðurinn flækist ekki fyrir upplifuninni og mórallinn er heilbrigður: Mennska ofar græðgi.

Þar sem ég á að kenna bæði eðlis- og stjörnufræði í 6. bekk, ákvað ég að leita gagna um eðlis- og stjörnufræði Avatar. Þetta með fljótandi fjöllin, þyngdaraflið og segulmögnunina er ekki bara augnayndi heldur áskorun til kennara um að sýna hvernig þetta er hægt í kennslustofunni! Með því að tengja vona ég að krakkarnir verði til í að skoða eigið sólkerfi betur.

Færsla í Wikia svæði helgað Avatar, skoða hér. Pandorapedia er einnig komin á netið, skoða hér. Grein í Christian Science Monitor, skoða hér (28.12.2009). Í greininni er vísað í eftirfarandi bók, sem ég ætla að hafa til sýnis (brot) hér.

Hvað er það, sem gerir konur yndislegar í augum karlmanna?

Þýska án námsbóka

Carlos — Sat, 16 Jan 2010 09:14:07 +0000

Eftir helgi hefst þriðja vikan í þýskuvali í Sunnulækjarskólanum. Skráðir eru tíu nemendur úr 9. bekk. Markmið kennslunnar eru einföld. Kynna fyrir þeim tungumálið og menningu þýskumælandi landa. Gera nemendum kleift að tjá sig um nauðsynlegustu málefni. Það sem er óvenjulegt er að við notumst ekki við námsbækur, enda nær kreppan líka til Árborgar og þetta mátti ekki kosta mikla peninga.

Ég lagði höfuðið í bleyti í haust og fann bókalaust námsefni á BBC. Aðferðafræðina fékk ég m.a. hjá Salvöru Gissurardóttur sem kenndi mér (og ég hef aðstoðað við að kenna) í námskeiðinu Nám og kennsla á netinu (Menntavísindadeild HÍ).

Í stuttu máli byggist námskeiðið á því að nemendur mæta í vikulegan tvöfaldan tíma, þar sem við hlustum á samtöl, æfum okkur að bera fram orð, lærum um merkingarsvið orða og ræðum um samfélagsleg og menningarleg mál tengd þýska, austurríska og svissneska málsvæðinu. Þá fara nemendur að vinna af vefnum (eyðufyllingar og samtalsæfingar). Ég kalla til mín einn og einn nemanda og ræði við hann á þýsku. Heimavinna er 10 – 20 mínútur á dag af netinu.

Nemendur eiga að safna samtalsæfingum (upptökum) á safnvef sem þeir halda sjálfir og taka reglulega munnleg og skrifleg próf.

Þótt enn sé of snemmt að dæma um það, sýnist mér formið henta krökkunum, líka þeim sem hafa sértæka námsörðugleika, s.s. lesblindu og einbeitingaskort. Enn sem komið er finnst þeim þetta skemmtilegt og þau öflugustu þeysast áfram og stoppa ekki við þær lexíur sem ég hef sett upp á vef skólans.

Vefurinn er enn sem komið er einföld vefsíða (FrontPage) og verður ekki breytt að sinni. Efnisvefurinn á BBC er síðan hér: Námsefnið er að finna á vef BBC – http://www.bbc.co.uk/languages/german/lj/

Simpsonized

carlos@annall.is — Wed, 19 Dec 2007 07:44:03 +0000

Örvar benti á þetta tól á vefnum, hér fyrir neða er útkoman. Mitt nýja vinnusjálf.

Kannski heldur útiteknari miðað við árstíð en vanalega … en restin stemmir.

Að færa námsumhverfið til nemandans

Nám 2.0

carlos@annall.is — Tue, 11 Dec 2007 12:20:41 +0000

Fór á flug í greinagerð um það hvernig ég sé mig sem kennara. Flugið fólst í vefrápi sem er ekki lokið, þar sem hugarkortið hér fyrir neðan er lifandi og síbreytilegt. Talandi um hugarkort, www.mindmeister.com er öflugt fyrirbæri, einskonar google.docs eða writeboard fyrir samvinnu.

Fyrir ykkur sem þekkið ekki til þessa, þá er hér fyrir ofan um ramma að ræða, sem sýnir hluta korts. Það má draga kortið til, opna og loka greinar (ýta á – eða +) og stækka það, fylgja vísunum og opna fyrir aths. þar sem það á við með því að færa músina á íkónin.

Jesus camp

Harpa Hreinsdóttir um fjarkennslu

carlos@annall.is — Sun, 28 Oct 2007 20:56:09 +0000

Nokkrir pistlar sem vert er að lesa, hér, hér, hér og hér. Gullkorn greinaflokksins er:“… við kennarar þurfum að rífa nemendur okkar frá tölvum og beita þeim á bækur …”

Háskólafryrirlestrar iTunesU

Umburðarlyndi, virðing eða hvað?

carlos@annall.is — Fri, 12 Oct 2007 07:45:18 +0000

Hlustaði með spert eyrun á Sigurð Pálsson, skólamann og prest á ráðstefnu um kirkju og skóla í gær. Hann fjallaði m.a. um trúarbragðafræðslu í skólum og var vínkillinn hans út frá aðalnámsskrá grunnskólans, þar sem talað er um kristið siðgæði við takt umburðarlyndis og lýðræðislegra vinnubragða (mitt orðalag).

Ég verð að játa á mig að ég á dálítið bágt með orðið umburðarlyndi. Mér finnst ekki sérlega göfugt “að umbera” e-ð sem ég þoli ekki. Mér finnst nær, að eigi umburðarlyndið að gera lífið í lýðræðislegu fjölhyggjusamfélagi mögulegt og eftirsóknarvert, að takast á við það sem ég þoli ekki í kurteisu og virðingarfullu samtali. Sem var reyndar það sem Sigurður lagði upp með.

Spurning mín er því nánast merkingarfræðileg, getum við talað um umburðarlyndi fyrir skoðunum en virðingu fyrir persónum, þótt við getum ekki snúið dæminu við án þess að gera minna úr persónum en við ættum? Eigum við betri orð og hugtök en þetta? Mig langar að setja þetta á oddinn:

Það er ekki gott að umbera persónur. Persónur á að virða.

Það er ekki gott að virða ótækar skoðanir. Það er hægt að takast á við þær en meðhöndla persónuna af virðingu.

Læt þetta duga í morgunsárið.