No related posts.

Fengið af PhotoshopDisasters, sem er eitt af bestu myndvinnslukennsluvefjunum sem ég þekki. Þessu líkt og álíka alvarleg eru myndskeiðin “You Suck at Photoshop” á YouTube. Þau minna mig reyndar dálítið á bandaríska hjónasápu á köflum, en það er annað mál.

Öllu alvarlegri leiðbeiningar um það hvernig nota á myndvinnsluforrit er hægt að finna með því að leita með orðunum “Photoshop tutorials” eða “GIMP tutorials” á netinu. Mér finnst leiðarvísar Melissu Clifton sérstaklega góðir. Svo má finna aragrúa hugmynda og leiðbeininga á síðum DeviantArt, sem er samfélag um stafræna listsköpun.

Related posts:

1. GIMP – Kennslumyndbönd og staðlaðar (myndbreyttar) ímyndir fegurðar

No related posts.

Ekki gott að auglýsa vöru á svona bloggi, en ég held að burtséð frá því, hefur þessi hönnuður svo mikið til síns máls, að það verðskuldi áhorf á gjörvalla fræðslumyndina. Uppáhaldshugmynd mín úr þessu broti felst í orðunum

Hönnun á að vera þannig að hluturinn líti ekki út fyrir að vera hannaður heldur “auðvitað á þetta að vera svona, hvernig annars?”

No related posts.

Setti úthendur með þessum fyrirlestri um vef 2.0 og skólann á lectures.tumblr.com í stað þess að prenta þær út. Ég hugsa að þetta tól muni geta leyst Powerpoint útprentanir af hólmi í skólastarfi, ef nemendum er kennt að glósa stafrænt t.d. með Diigo, MyEndnoteweb eða Delicious (bókamerki) eða jafnvel Simplybox.

Fyrirlesturinn sjálfur var saminn og geymdur í Google Document.

No related posts.

Undanfarnar vikur og mánuði hef ég hafið vinnu við nokkra vefi, sem munu taka á sig ákveðna mynd og virkni innan allt of langs tíma. Þar nefni ég fyrstan vef Hraunavina (gerður í WordPress), síðan vef Borgaskóla og loks vef Gesthúsa (báðir í Joomla). Sá síðastnefndi þolir reyndar ekki dagsbirtu, þar sem hann er eiginlega aðeins í skötulíki. En um leið og vefur Borgaskóla er kominn á legg …

Þessir vefir eru mjög ólíkir. Hraunavinir byggir á því að mikið er til af myndum sem kerfið þarf að birta. Því tengdi ég síðuna við Flickr með ískoti (plugin) sem sýnir heilu settin og jafnvel allar myndir í hóp.

Joomla! vefur Borgaskóla inniheldur mikið af flokkuðum gögnum sem margir þurfa að koma að. Margir skráðir lesendur, margir höfundar efnis, margir stjórnendur. Öflugur myndabanki (10 gb af óþjöppuðum myndum á skólaári) og gott geymsluhólf fyrir fylgiskjöl sem mörg eru í pdf eða doc formi. Hvað framtíðin ber í skauti sér er óráðið, ég vona að hann geti orðið að námsstjórnunarkerfi (LMS).

Loks verður vefur Gesthúsa að skarta skilvirku bókunarkerfi með fram og bakhlið, þannig að tölvupóstsbókanir verði óþarfar. Lítið af myndum en þær þurfa þó að vera til staðar og líkast til verð ég að taka þær sjálfur.

Ég kem til með að hýsa vefina fyrir Gesthús og Hraunavini, þannig að þar bætist reynsla í bankann.

No related posts.

Fengið frá Notcot – sýnivefur hönnuða á netinu.

Ég hef gaman að því að spá í það hvernig hlutirnir líta út og hvað gengur upp og hvað ekki. Mér finnst einnig nauðsynlegt að sýna nemendum mínum hvar þeir geta sótt sér hugmyndir að eigin verkum. Í þeim anda vil ég benda á frábæran vefhönnunarvef, sýni- og prófunarvefinn http://www.csszengarden.com.

Þessi færsla fær að standa hér með opnum athugasemdareit – umræðuefnið er hönnun á netinu.

No related posts.

Nei, mannfólk. Stóri boginn í Paris. Hægt er að undirstrika smæð manna með hönnun mannvirkja. Prýðilegt myndefni og fín stúdía í mannfélagi innan um stórvirki sögu og framtíðar.
 

Horft undir bogann, lyfturnar fara upp um kaðlana neðst á myndinni hér fyrir neðan.

No related posts.

La Defense er gamla útstöð Parísar, virkið sem gætti aðgöngu að borginni í norðri. Þar er risið nútímaþorp með byggingum sem ætla mætti að hafi orðið vísindaskáldsögum síðustu kynslóðar uppspretta innblásturs. Myndin hér fyrir ofan er af norðurhlið ‘Grand Arche’ og er völundarhús/skjólveggur úr gleri.

Related posts:

1. Maurar?