tolvari.net » Margmiðlun

Ég vil verða háskólakennari …

Carlos — Mon, 01 Nov 2010 18:16:31 +0000

Ekki hægt að segja mikið við þessu, svona er lífið og svona er kreppan.

Diskó 6. bekkur – Grooveshark

Carlos — Mon, 31 May 2010 14:49:32 +0000

Settum saman þennan löglega lagalista fyrir diskó 6. bekkjar. Grooveshark er þjónusta þar sem hægt er að hlaða upp lögum sem maður á, hefur keypt eða fengið löglega gefins. Allir sem vilja geta síðan hlustað á hvar sem er og hvenær sem er (nettenging!). Viðmótið er eins og iTunes og afar þæginlegt. Hægt er að velja kostaða þjónustu ($30 á ári) sem gefur aukin þægindi. Með þessu móti fá allir sín stefgjöld eftir því hvað er spilað og hve oft.

Lögin voru valin á lýðræðislegan hátt. Krakkarnir fengu fyrirmæli um að skrifa niður 6 lög hvert ás. flytjanda og fulltrúar bekkjanna komu lögunum til mín og sáu til þess að rétt lög lentu á lista. Sum íslensk lög voru ekki komin á vefsíðuna, en ég sagði þeim að þau gætu hlaðið þeim upp, ef þau ættu þau. Síðan myndi þjónustan sjá um að listamenn fengju greitt.

Spunnust nokkrar umræður um kosti þess að sækja tónlist í gegnum Torrent, en þau voru nokkur sem vildu skoða þessa þjónustu nánar. Ekki var verra að þetta er löglegt og aðgengilegt.

No related posts.

Völsungasaga (hljóðbók á ensku)

Carlos — Sun, 07 Mar 2010 09:08:36 +0000

Á Archive.org eru ekki eingöngu kvikmyndir heldur líka annað efni, sem hægt er að hlusta á og sækja án þess að brjóta lög eða borga fyrir. Í stað þess að bjóða upp á kvikmynd þennan sunnudag, býð ég upp á upplestur Völsungasögu (fyrsta hluta) á prýðilegri ensku. Allan textann má hlusta á í straumi hér og sækja hann sem mp3 hér.

Fleiri hljóðbækur og lesin ljóð má finna hér. Hljóðbókin, eða það að taka þátt í að byggja upp hljóðbókasafn ætti að vera hluti af skólastarfi. Gefa nemendum, sem hafa þroska til þess færi á að lesa inn á tölvu það sem þau fást við og gefa síðan almennum svæðum skrárnar, þannig að hægt verði að hlusta á sögur, ljóð og efni almenns eðlis af tónhlöðum eða símum sem ráða við það.

No related posts.

Photoshop anno 1875

Carlos — Tue, 02 Feb 2010 16:25:55 +0000

Fengið á Flickr Commons. Næsti bær við Commons svæði Wikipediu.

No related posts.

Once Upon a Time in the West

Carlos — Sun, 24 Jan 2010 14:05:41 +0000

Classic Cinema Online er vefur sem tekur saman gamlar bíómyndir á Google Video, flokkar og gerir aðgengilegar. Ég setti inn Once Upon a Time in the West (Leone) hér í gluggann við hliðina á. Myndin fær að vera í eina viku þar, en það má einnig sjá hana hér. Ég geri ráð fyrir að hún megi birtast hér, þar sem hún hefur fengið að standa óhreyfð í tvö ár á Google Video.

Myndvinnsla hvað?

Carlos — Sun, 24 Jan 2010 11:11:36 +0000

Eyðufyllingar eru góð leið til að kenna nemendum tiltekna tækni og gerfitexti eins og “Lorem ipsum …” er fínn til síns brúks. Spurningin um það hvort þetta veggspjald hafi átt að fara eina ferðina enn til yfirlestrar áður en það var prentað eða ekki, læt ég ykkur um að svara.

Fengið af PhotoshopDisasters, sem er eitt af bestu myndvinnslukennsluvefjunum sem ég þekki. Þessu líkt og álíka alvarleg eru myndskeiðin “You Suck at Photoshop” á YouTube. Þau minna mig reyndar dálítið á bandaríska hjónasápu á köflum, en það er annað mál.

Öllu alvarlegri leiðbeiningar um það hvernig nota á myndvinnsluforrit er hægt að finna með því að leita með orðunum “Photoshop tutorials” eða “GIMP tutorials” á netinu. Mér finnst leiðarvísar Melissu Clifton sérstaklega góðir. Svo má finna aragrúa hugmynda og leiðbeininga á síðum DeviantArt, sem er samfélag um stafræna listsköpun.

GIMP – Kennslumyndbönd og staðlaðar (myndbreyttar) ímyndir fegurðar

Ljósmyndir á tíma

Carlos — Wed, 20 Jan 2010 12:34:30 +0000

Snorri Björnsson heitir ungur maður, sem tekur myndir. Morgunblaðið fjallaði um áhugamál hans á vefnum í dag. Myndskeiðið, sem sjá má hér fyrir ofan, fékk mig til að hugsa. Hvað ef ég notaði þessa aðferð til kennslu, þetta, að taka myndir á tíma? Bæði mætti nota þetta til stjörnuskoðunar, umferðarfræðslu og ég veit ekki hvað.

Bjargað úr rústum

Carlos — Fri, 15 Jan 2010 22:52:00 +0000

Rúmlega tveggja mínútna löng mynd af íslensku rústabjörgunarsveitinni að bjarga haítíska konu, í boði AP fréttaveitunnar á YouTube.

No related posts.

Saga, mynd og kennsla

Carlos — Wed, 28 Oct 2009 17:37:05 +0000

Listin að segja sögu tekur á sig ýmsar myndir, sérstaklega þegar nemendum er gefinn laus taumur. Hér vil ég segja frá dálitlu verkefni sem 5. bekkingar unnu hjá mér í fyrra. Verkefnið tók 10 – 20 kennslustundir, þá með því að nokkrir nemendur kusu að myndgera fleiri en eina sögu.

engill á teiknuðum bakgrunni (CF setti saman)

Að undangenginni innlögn um handritagerð og söguspjöld (ágætt tól til að hjálpa sér við þetta er Celtx, http://www.celtx.com). Ungir nemendur vinna best á útprentuð söguspjöld, sem þeir nota til að auðvelda sér myndatökur.

Nemendur sóttu sér nokkrar sögur á Netútgáfunni (http://www.snerpa.is/net) og fluttu í ritvinnsluforrit. Hér er um að ræða texta á opnu og aðgengilegu rými, textar sem ekki eru lengur höfundaréttarvarðir. Nemendur lærðu að búa til fyrirsagnir, efnisyfirlit og blaðsíðutal. Lásu síðan sögur sínar af skjá. Við lestur komust sumir að því að þeir skildu ekki öll orðin. Þá var gripið til netorðabókar (http://www.snara.is), orðunum flett upp og orðin ásamt útskýringum komið fyrir í neðanmálsgrein. Á þessum stað var verkefnið vistað og gætt að því að útlitshönnun for eingöngu fram með því að notaðir voru stílar (styles and formating).

teiknað og ljósmyndað í bland (nemandaverk)

Næsta skref var að nemendur teiknuðu myndir við sögur sínar í glærugerðarforriti (PowerPoint, OpenOffice Impress, Keynote). Síðan byrjaði fjörið. Nemendur komu með búninga í skólann og skipuðu félögum sínum í hlutverk. Ljósmynduðu síðan hvert annað í hópatriðum og einstaklingsatriðum með stafrænum myndavélum. Þessi þáttur gat tekið langan tíma. Nemendur skildu stundum ekki að þeir höfðu ekki ótakmarkaðan aðgang að hver öðrum, að þeir þurftu að taka stærstu hópatriðin þannig að allir voru til í réttum búningum á réttum tímum…

Þegar myndir voru komnar í vél, voru þær fluttar á sameiginleg svæði á innra neti og síðan í glærugerðarforrit. Þá tók við einstaklingsvinna, þar sem nemendur settu sögu, samtöl, hugsanir inn á einstakar glærur. Sumir nemendur fundu það út að þá vantaði myndir þegar hér var komið sögu og fóru aftur og tóku myndir.

Nokkrir voru svo hrifnir að þeir ákváðu að gera annað svona verkefni. Þá nemendur sá ég ekki í þrjá eða fjóra tíma samfleytt, en þegar þeir komu aftur, höfðu þeir á bilinu 50 – 80 myndir til að moða úr! Vitaskuld úr nýrri sögu.

Teiknað og ljósmyndað í bland (nemendaverk)

Þegar myndatökunni er lokið, er eftirleikurinn auðveldur. Nota má bestu myndir nemenda til að búa til teiknimyndir í myndvinnsluforritum eins og GIMP (http://gimp.org) sem er ókeypis og frjálst forrit. Þeir nemendur sem vilja, geta haldið áfram vinnu sinni heima, þar sem hver sem er getur hlaðið forritinu á hvaða tölvu sem er sér að kosnaðarlausu, löglega. Forritið styður við marglaga myndir og leyfir nákvæman útskurð einstakra hluta og skeytingu þeirra á annan bakgrunn.

Nokkrar góðar hugmyndir um hvernig breyta má ljósmyndum í teiknimyndir má finna hjá Melissu Clifton (http://www.melissaclifton.com). Dæmi um notkun þessarar tækni er pólítísk ádeila og spéspegill Henrý Þórs á http://pressan.is/Gulapressan og http://henrythor.blogspot.com.

No related posts.

Farandstónlist í skólann

Carlos — Sat, 13 Jun 2009 10:26:01 +0000

Playing For Change | Song Around The World “Stand By Me” from Concord Music Group on Vimeo.

Ég held að hægt sé að gera svona að verkefni fyrir margmiðlunarhóp í efri bekkjum grunnskóla og framhaldsskóla. Mér sýnist maður þurfa eftirfarandi:

Tónlistarfólk
fartölvu, hljóðupptöku/klippiforrit (t.d. Audacity)
utanáliggjandi hljóðkort
lítinn mixer
míkrófóna og standa
vídeóupptökuvél
heyrnartól fyrir tónlistarfólkið
heyrnartól fyrir hljóðmann
aðgang að rafmagni
framlengingarsnúrur, fjöltengi, xlr snúrur o.s.frv.

Gleymi ég einhverju?

No related posts.