Síðasti fyrirlesturinn, Randy Baush, á YouTube (látið vita, ef myndin hverfur). Ein góð kennsluhugmynd kom af áhorfi þessarar klukkustundalangrar myndar.
Verkefnamiðað nám
Námsmat á grundvelli skilaverkefna, sjálfsmats, félagamats og sýnimöppu sem kennari metur. Framkvæmdin getur litið svona út:
- Margvísleg verkefni – nýtt verkefni á nokkurra vikna eða nokkurra kennslueininga fresti
- “Head fake”: leyfa fólki að læra á meðan þau eru að gera eitthvað annað
- Teymisvinna – nýtt teymi fyrir hvert verkefni – blanda góðum og miður góðum nemendum í hópana á grunnskólastígi til að margfalda áhrif kennslunnar
- Teymið ákveður verkefnið – kennari hvetur til frekari umhugsunar (t.d. “gaman að þessu, en ég held að þú getir / þið getið betur”)
- Félagamat – hversu auðvelt var að vinna með þér – búa til graf um það hvernig maður stendur sig og sýna það þannig að nemendur geti bætt sig í samstarfi á milli verkefna
Auðvitað komu fleiri hugmyndir – sú besta er í titli myndarinnar og þessarar bloggfærslu. Ef þú lumar á hugmynd, leyfðu okkur að njóta með þér í athugasemdum hér fyrir neðan.
Kennsluhugmynd
Áður birt á vef Borgaskóla, janúar 2009, tölvuval 9. og 10. bekk. Nemandi velur eitt eftirtalinna verkefna. Verkefnið stendur í fimm vikur, skil eru í rafrænni ferilmöppu. Gildir 25% af misseriseinkunn. Ekki fleiri en 3 í hverjum hóp, einstaklingsvinna leyfð.
A Ljósmyndir og vefur
Myndataka með módeli í fjórum hlutverkum sem nemandi útfærir.
- Ofurhetja
- Venjuleg
- Myndasaga
- Eigin stíll
Vefmyndir búnar til úr þeim myndum sem nemandinn tók og bætti.
- Lógó eða vörumerki
- Haus
- Bakgrunnur
- Gif – animation eða Flash hreyfimynd
Ljósmyndavefur sem nemandi setur upp.
- Teikna uppsetningu ljósmyndavefs
- Setja upp einfaldan ljósmyndavef
B Hljóðupptaka og hljóðvarp
Þáttargerð – nemandi býr til útvarps eða vefvarpsþátt frá grunni
- Útvarpsþáttur, fréttaskýring, leikrit
- Búa til handrit
Tónlist
- Búa til eða fá lánað kynningarstef
- Finna tónlist til að spila inni á milli
- Sækja um leyfi hjá STEF fyrir höfundavarið efni, fá upplýsingar hvað kostar að birta þáttinn í hljóðvarpi á netinu
Myndefni
- Búa til myndefni til kynningar
- Búa til auglýsingu á vefinn
- Búa til heimasíðu fyrir hljóðvarpið
- Sækja um leyfi hjá rétthöfum fyrir myndefni þar sem við á
Vefur
- Setja hljóðvarpið á vef
- Auglýsa hljóðvarpið
C Kvikmynd og skjávarp
Búa til stuttmynd, hámark 5 mín eða kennslumyndband með hjálp skjárkvikmynda (Screencast)
- Handrit
- Sögugerð
- Kvikmynd og hljóð þurfa að passa saman
Hljóð og tónlist
- Búa til eða fá lánað kynningar og lokastef
- Sækja um leyfi hjá STEF fyrir höfundavarið efni, fá upplýsingar hvað kostar að birta kvikmyndina á netinu
- Birta á Vimeo, Google Video eða YouTube
Vefur
- Setja stuttmyndina á vef
- Auglýsa hljóðvarpið
D Leikjaforritun og kynning
Scratch forritun
- Mr. Wiggly’s Dance – umhverfi og hreyfing
- Fiskabúr – samspil persóna
- Fjölskyldualbúm – söfnunarforrit
- Íþróttagetraun – spurningaleikur
Búa til sjálfstæða persónu fyrir tölvuleik
- Ljósmyndir eða teikningar
- Vista í formi sem hægt er að nota í ýmsum tölvuleikjamálum
Vefur
- Auglýsing
- Kynningarefni
Eftirmáli
Ég vona að þú hafir horft á allt myndbandið. Hér fyrir neðan eru síðan viðtöl við Randy Bauch, sem er í lagi að horfa á, en bætir engu við þessa færslu.
Síðasti fyrirlesturinn kom út hjá Sölku í vetur og fæst einnig á Amazon. Forritið Alice er hægt að finna á http://www.alice.org/.
Ræða Randy Bauch við skólaslit.
Takk Tumi.
No related posts.
Related posts brought to you by Yet Another Related Posts Plugin.
